校長請辭｜張宇人撇清責任：唔係我哋做任何手段令佢辭職 前副校黃乃正：邊有叻人肯嚟香港做校長？

香港中文大學校長段崇智前日（8日）請辭震撼各界。三位中大議員校董今日回應事件，民建聯的劉國勳強調：「一直係對事不對人！」自由黨的張宇人則撇清關係，「唔係我哋做任何手段（令）佢辭職」。工聯會鄧家彪稱，心急遴選新校長，強調依法例去做。中大前副校長黃乃正接受《明報》訪問時，直言香港不要發夢成為國際創科中心，「對校長咁嘅態度，邊有叻人肯嚟香港做校長？」

建制派三位議員校董今日在立法會見記者，劉國勳稱尊重段崇智以個人原因請辭，認為與副校長吳樹培上月被解僱一事不能混為一談，他強調一直對事不對人，「無人係將中大視作任何戰場」，他預計招聘新校長程序歷時半年至9個月。

鄧家彪稱，校董會仍未開會商討，「我哋好心急就遴選或物色新校長」，強調會依法例做，希望盡快讓社會、公眾掌握物色新校長程序及所需時間。

張宇人：我咁嘅年紀，已經無咩嘢擔心

張宇人認為教職員、學生應該尊重段崇智辭職的決定，「始終段校長辭職係佢個人選擇，唔係我哋做任何手段去（令）佢辭職」。他不同意院校自主受影響，「如果校長自己意願去辭職，我都唔去尊重嘅呢，我覺得呢個就唔尊重（院校）自主嘞，OK？特別是佢個人自主」。

有記者追問事件會否影響中大士氣，他反駁：「（中大）士氣嘅問題，呢個係揣測性嘅啫！」被問是否覺得贏了一仗，張宇人稱無法回答，「我唔覺得我打緊仗，你覺得我咁裝束似打仗咩？」他以自信口吻回應未來招聘校長，「大家放眼睇吓，嚟緊一年半載要做呢個（招聘校長）工作，係咪有困難？」

在長約20分鐘的記者會，張宇人多次與記者「駁火」，有記者提問「會否擔心……」，問題尚未問完，74歲的張宇人已搶答：「我咁嘅年紀，已經無咩嘢擔心，你哋後生可能擔心，我咁嘅年紀，我無咩嘢擔心！」

有記者問事件帶來的觀感問題，張宇人反駁：「我無能力控制你嘅觀感同言行，我只可以話俾你聽，呢個唔係我個人幫到你嘅觀感，你嘅觀感要睇遠啲！」他又批評記者兜兜轉轉問同一個問題，「我都唔會答到你需要想聽到嘅答案！」

前中大副校長：香港不要發夢成為國際創科中心

《明報》今日刊登前中大副校長黃乃正的訪問，他指大學校長原有崇高地位，又稱在民初軍閥都尊敬大學校長，形容如今是極左思潮下「藍色打藍色」。他批評有人「玩政治」，強調士可殺不可辱，直言香港不要發夢成為國際創科中心，「對校長咁嘅態度，邊有叻人肯嚟香港做校長？」

前中大校長金耀基曾指出，若段崇智遭革走屬「世界級醜聞」，他昨接受《信報》訪問時，對段崇智請辭表示遺憾，呼籲外界珍惜本港大學發展，希望中大繼任者「具一定獨立性同空間，唔咁易make compromise（作出妥協）」。

段崇智辭職的消息引起國際迴響，《泰晤士高等教育》（Times Higher Education）昨日亦有報道段辭職的消息，標題為Tuan quits as CUHK president after new governance rules come in（段崇智在中大新管治規則出台後辭職）。翻查資料，2019年《泰晤士高等教育》曾評選段崇智為全球高等教育風雲人物。

教育局局長蔡若蓮今日在廣州回應傳媒稱，相信段崇智辭職「絕對是校長個人的決定」。有記者追問段崇智是否在壓力下辭職。蔡若蓮指，最近一次在中大60周年活動見到段崇智，「他沒有特別和我分享他的感受」。她強調，上月中大副校長吳樹培被解僱一事，理解是大學的「人事管理」。