零售市道史上最差  田北辰：整體租金減三成 業界可以捱落去

本港零售市道低迷，業界叫苦連天。本身經營服飾品牌的立法會議員田北辰接受《東方日報》「功夫茶」專訪，直指現時零售市道是「史上最差」，他認為，假如香港商舖租金下調三成，業界可以「捱下去」，並促請政府出手助業界渡過難關。他更透露曾向政府獻計，當局卻「零反應」，更批港官「少做少錯，唔做唔錯」。

實政圓桌立法會議員田北辰接受《東方日報》訪問，他指目前香港零售市道是「史上最差」，情況較疫情和反修例事件、「黑暴」時更差，「最諷刺係而家已經開關，有好多內地旅客來港，但同時又有好多港人北上，或到其他地方消費，到頭來『得個吉』！」

現時香港的零售總額，「竟然係同2022年（疫情封關期間）零售總額類似，我認為係結構性，我唔認為（情況）會改變」。田北辰又指，現時很多訪港中國旅客「主要『打卡』，其實冇咩消費，我哋內地生意仲跌得犀利」。

對於市況艱難，田北辰認為零售業界要降低成本，才可生存下去，「人工冇得減，人手開始cut（裁減）……但主要都係租金，長遠嚟講，如果租金大致下調三成，我覺得零售可以捱落去」。

他又提議，由政府出面為企業提供貸款擔保，幫助業界渡過難關。但他不諱言，對於有關建議，「（政府）初步冇乜（回應），對佢（政府）嚟講，『多一事不如少一事』，『少做少錯，唔做唔錯』」。

批港府仍信奉市場主導

田北辰批評，「政府都今日都信奉市場主導，政府監管愈少愈好，但今時今日，點會市場主導！」他以今年初球星美斯來港的「甩碌」風波為例，「政府出咗錢，都唔知主辦機構同球隊簽約內容，就『中招』！」他又以國際巨星Taylor Swift到新加坡舉辦演唱會為例，「你以為新加坡搵Taylor Swift去唱，政府唔使『落搭』呀？有邊個私人機構可以『包』得起Taylor Swift，成個東南亞唔去，只去新加坡唱六場？（新加坡）政府都落手啦！」

對於香港零售業前景，本身經營服飾品牌的他強調，服務和產品需要改革，「冇『賣點』、隨波逐流，呢啲生意一定冇得做！」此外，還要認清目標顧客，「我哋主要專攻『上班族』……一定要有新意，（假如有客人）20年冇入過我間舖頭，（如果）出年我賣泳衣，佢會入啊？我唔覺得會喎！」