週一 週二 週三 週四 週五 週六 週日
1234567
891011121314
15161718192021
22232425262728
293031  

劇協反擊藝發局指控邀尊子任嘉賓「漫畫唔係藝術咩?」 「我哋自己都有聲譽、尊嚴」

藝發局昨晚(18日)發聲明,指香港戲劇協會去年的舞台劇獎邀請「當時充滿新聞話題」的漫畫家尊子及前港台編導蔡玉玲任頒獎嘉賓;主持提及「紅橋」及「紅線」等,決定下調資助。劇協今日召開記者會回應,會長馮祿德強調尊子是資深漫畫家,「漫畫唔係藝術咩?」而蔡玉玲則是紀錄片編導,「電影唔係藝術?」他指,主持人只是委婉提出心聲和要求,形容藝發局決定等於告訴別人「真係有條線」。

藝發局昨晚聲明指控,去年劇協的頒獎禮偏離以往做法,包括新增頒獎禮主題、邀請文化藝術界外的頒獎嘉賓。滿頭白髮的馮祿德澄清並非去年才有頒獎主題,例如28屆主題是「一團火」、29屆是「moving forward」、30屆是「團聚」,去年31屆是「勇氣」,「好奇怪點解(藝發局)冇發覺嘅呢?」

他指,這些主題都是含鼓舞、勸勉之意,表達香港人團結盼望未來。以往頒獎禮的主題、嘉賓均無須事先得到藝發局知道或批准,當局從來無要求事先提交計劃。而頒獎嘉賓來自不同界別人士,例如時裝界、化妝界、體育界、新聞界精英。

香港戲劇協會今日(19日)召開記者會,會長馮祿德用了逾半小時逐點反駁藝發局的指控。 相片:劇協Facebook

「當戴個眼鏡有顏色,睇咩都有顏色」

藝發局又指控去年頒獎禮,邀請「當時充滿新聞話題」的漫畫家尊子及前港台編導蔡玉玲任頒獎嘉賓;加上兩位主持人以「紅橋」、「紅線」為話題,意有所指、語帶雙關,質疑以此手法引起公眾及媒體注意及製造社會話題,局方不能苟同。

馮祿德慨嘆偏見往往隱瞞了真相,「當戴個眼鏡有顏色,睇咩都有顏色」。他不認同頒獎嘉賓人選有問題,「尊子先生係資深漫畫家,好著名,漫畫唔係藝術咩?」、「蔡小姐係一個編導,係製作紀錄片嘅,電影唔係藝術?」

建制派網媒《點新聞》提問,劇協立場是否與尊子、蔡玉玲一樣。馮祿德指,不論立場,都要尊重他們的藝術成就,呼籲不應用立場去看頒獎嘉賓的人選,「佢哋嘅立場好清晰,我哋邀請佢唔一定代表我哋全面認同」。

他指,在正式或非正式場合查詢過「底線」,「究竟底線去到幾多,我哋點樣為之違法,無講清楚俾我哋知道」。他為主持人辯解,指藝術很多時由《詩經》開始,主持人只是委婉提出要求和心聲,「可見我哋幾痛苦,業界真係戰戰兢兢,步步為營,但係藝術係唔可以限制創意㗎!」

會長馮祿德指,應肯定頒獎嘉賓的藝術成就,又認為不應該用立場去看頒獎嘉賓人選。 相片:劇協Facebook

「我冇諗到,我哋腦裏面諗咩嘢,都畀人去猜想」

馮祿德說,劇協從無高調提紅橋、紅線去引起公眾注意,「我哋發夢都冇諗到嗰度有事……佢(藝發局)今次落咁嘅決定,就真係話畀人聽,真係有條線」。他慨嘆:「我冇諗到,我哋腦裏面諗咩嘢,都畀人去猜想。第一我未必有、第二我冇講出嚟、第三你估我腦諗咩嘢?」

他反問,難道要主動跟藝發局商討,「即係話你連我思想諗咩嘢、我嘅創意,你都有興趣知道呀?你係同我『度橋』,定係叫我唔好?」

馮祿德強調,已經提醒得獎者發表感言時,不要說令人不舒服或讓人以為犯法的字眼,「明知唔會發達,甚至生活都有問題,都願意投身藝術。仍然冇辦法供養返父母,仲要靠父母資助,一旦得獎,少少安慰畀自己嘅雙親,講出咁嘅感想,一個高調對人生嘅盼望,點解係會踩線呢?」

在記者會期間,劇協內務秘書黃懿雯一度落淚。 相片:劇協Facebook

「我唔係翻舊賬,我哋只係想了解真相」

藝發局在聲明提出的時序,指在去年11月下旬作出調整資助決定。馮祿德反駁並非如此,「我唔係翻舊賬,我哋只係想了解真相,真相或者未必令人歡喜,但係事實俱在」。

他透露,12月8日,藝發局行政總裁周蕙心約見劇協副會長,並遞上兩封信。第一封信是通知扣減資助,信件列明發出日期在去年9月29日,意味9月底當局已決定扣減資助。第二封信就是通知不資助今屆頒獎禮。

馮祿德指出,這種做法是前所未有,以往藝發局批出的項目都派藝評人提交「藝評報告」審核,「點解唔參考返有關藝評報告?藝評報告有冇佢哋所講嘅指控或者批評?據知對我哋完全係讚賞」。

劇協事隔多年再召開記者會,上一次是為劇團爭取在工廈棲身。 相片:劇協Facebook

「究竟條線喺邊?」

他質疑藝發局在事件中的角色,「藝發局唔係帶領我哋發展香港藝術咩?如果我哋俾外人不合理地投訴或查詢,你唔係了解清楚引導我哋、保護我哋咩?點解用你一廂情願、一個角度、主觀判斷,連我哋辯解機會都冇,你就一紙公函落呢個決定?」

劇協嚴正要求藝發局收回指控,馮祿德字字鏗鏘說:「我哋自己有聲譽,我哋自己有尊嚴,唔可以你鍾意話係就係」。他強調,劇協窮,但有骨氣,將繼續舉辦頒獎禮,「我哋無錢、無地方,資源匱乏,我哋都想盡辦法繼續辦落去,會唔會有停一日呢?會」。

他說,不想用「封殺或打壓」來形容對方,但事件已經影響業界,「究竟條線喺邊?」

港府支持認同藝發局決定

文化體育及旅遊局局長楊潤雄未有公開回應,僅在傍晚發稿稱港府支持和認同藝發局有關香港舞台劇奬頒獎禮資助安排的決定。楊潤雄強調:「政府部門及受政府資助機構須確保公帑和公共資源運用得宜,並只會用於支持內容合適的項目」。

他指,藝發局確保公帑只會資助及支持「內容合適」的藝術項目是理所當然,用得其所,符合政府對藝發局的要求和期望,絕非限制創作,「就有個別意見指藝發局是次決定影響甚至扼殺創作空間,政府認為此實屬本末倒置、混淆視聽。政府絕不認同此等無理言論」。

相關文章

熱門文章