週一 週二 週三 週四 週五 週六 週日
 12
3456789
10111213141516
17181920212223
24252627282930

黎崇恩:黎智英理解員工成控方證人 若當初離港「多好多同事俾人拉」

黎智英被控《國安法》案件,四名《蘋果日報》員工成為控方證人指證黎智英。黎的兒子黎崇恩接受美媒《KTSF》訪問時稱,《蘋果》員工被捕後還押獄中逾年,在這情況下決定成為控方證人,「我諗我阿爸都明白、都understand嘅」。他稱,黎智英當初拒絕離港有另一個考慮,「其實佢知道如果佢走咗嘅話,多好多同事會俾人拉」。

《壹傳媒》創辦人黎智英被控串謀勾結外國勢力罪,6名涉案前高層還柙約一年半後,在2022年11月承認控罪,當中《壹傳媒》行政總裁兼《蘋果》社長張劍虹、財務總裁周達權、《蘋果》副社長陳沛敏、主筆楊清奇均成為控方證人。

美媒《KTSF》昨(20日)刊登黎崇恩專訪,被問到如何看待《蘋果》員工成為控方證人。黎崇恩稱,現時黎智英被囚3年,而員工被囚2年多,「喺呢個situation,好多人都會做佢哋要做嘅嘢啦……我諗我阿爸都明白、都understand嘅」。

黎崇恩強調一人做事一人當,「你如果係攻擊我阿爸,你淨係攻擊我阿爸OK,但係你搞到佢全部同事呀、甚至另外一啲pro democracy campaigner,搞到咁多人都要佢哋面對審判,淨係令到政府唔好丟臉咋喎!呢個係我覺得幾嬲嘅嘢囉!」

他又透露黎智英當初拒絕離港的原因,「如果有啲嘢,你係要stand up for嘅、要撐嘅、要企起身保護嘅,佢就真係保護到底囉。佢留喺香港另一個意思就係:其實佢知道如果佢走咗嘅話,多好多同事會俾人拉」。

如黎智英為自己「留咁耐做咩啫?」

黎崇恩指,如果黎智英為了自己,沒有必要留在香港,「留咁耐做咩啫?成日俾人鬧,俾人跟住你,有陣時有人攞汽油彈揼落你間屋」。翻查資料,2015年、2019年均有人向黎智英大宅投擲燃燒彈或汽油彈。

他說,黎智英小時候偷渡到香港「係一世最開心moment,因為佢知道佢去咗香港有未來」,日後黎智英開設工廠、成立佐丹奴,「香港俾咗佢咁多,佢想留喺香港陪住香港人,同埋真係行呢條民主路行到底囉」。

黎崇恩強調,黎智英過去30年所做的事都沒有變,參加六四燭光集會、爭取民主示威,轉變的是香港實施了《國安法》。他慨嘆,76歲的父親已被囚3年,面臨最高刑罰是終身監禁,「(假設)判佢5到10年,其實同終身監禁差唔多㗎喇」。

會見外國政要遭批評

近年黎崇恩在外國為黎智英案奔走,去年底會見英國外相卡梅倫,他認為所做的事帶來正面影響,「香港政府、大陸政府最想你做嘅嘢就係唔好嘈」。他又自嘲接受外國傳媒訪問,可能也被視為有罪,「我而家take呢個interview,我係咪『勾結』緊外國勢力?你係外國媒體喎!」

翻查資料,黎崇恩去年會見卡梅倫後,中國駐英國大使館發言人發聲明,指黎智英是反中亂港事件的主要策劃者和煽動者,「明目張膽地勾結外部勢力危害國家安全,挾洋自重、惡行纍纍」,批評英方公然干預已進入司法程序的案件,為違法犯罪的反中亂港分子說項,進一步暴露了黎智英與英方的長期勾結。

而駐港外交部特派員公署稱黎智英長期從事反中亂港活動,勾結外部勢力危害國家安全,「其行可恥、其惡當懲」,強調港府依法執法是「無可指摘,不容置喙」,稱西方政客干預香港事務的強迫症「該根治了」。

黎崇恩去年底會見英國外相卡梅倫,中國駐英大使館批評英方公然干預已進入司法程序的案件。 相片:英國外交、聯邦及發展事務部

相關文章

熱門文章