港或禁加味煙 最快年底揭曉 邵家輝：如果認為香港承受到遊客唔嚟，我都冇辦法好講

港府早前提出控煙「十招」，包括全面禁止包括水煙在內的「加味煙」。立法會衞生事務委員會今（18日）討論《施政報告》相關的醫衞議題，自由黨議員邵家輝憂慮強推禁煙措施會打擊旅遊，更稱「如果認為香港承受到遊客唔嚟，我都冇辦法好講」，醫務衞生局長盧寵茂則指有關說法是「舊瓶舊酒」，又指政府方案最快本年底提交立法會。

醫務衞生局長盧寵茂今到立法會衞生事務委員會簡報施政報告內容，報告第186段提出「繼續推行控煙」，自由黨議員邵家輝關注政府會否續推當局早前提出的控煙「十招」。

今年6月，醫務衞生局建議香港全面禁止另類吸煙產品、禁止加味煙，及禁止排隊時吸煙等。其中，禁止加味煙意味「水煙」亦受規管，引起酒吧業界強烈反對。

邵家輝在會上指，早前禁止電子煙，已令部分遊客對香港卻步，「電子煙同加熱煙禁咗之後，我聽到唔少內地朋友食開電子煙，知道香港不能吸食，唔選擇嚟旅遊。日本有三、四成人食緊加熱煙，聽過日本朋友知道香港不能吸食、不能進口之後，而唔嚟旅遊。」

稱中日旅客因電子煙禁令不到香港

邵續指，「如果今次你（政府）再將果味煙、加味煙禁埋，我相信亞洲、世界好多地方朋友都食緊呢種煙，如果（政府）認為香港承受到呢啲遊客唔過嚟，我都冇辦法好講！」他又稱，不應只考慮醫衞局「民望高分」，同時要考慮政府其他部門，及協助振興香港經濟。

盧寵茂回應指，立法會在6月已討論有關內容，稱「你頭先提出嘅都係『新瓶舊酒』，甚至係『舊瓶舊酒』㖭，我哋都明白，聽過晒㗎嘞！」強調政府在本年底或明年初，將再提交方案到立法會。

儘管發言超時，被指論點「舊瓶舊酒」的邵家輝獲主席同意補充發言，指「改革係會不停止，特首係咁講，好似我係議員要表達意見呢，都係唔會停止。尤其是呢個控煙政策都係討論當中，意見係『舊瓶舊酒』定『新瓶舊酒』都好……香港唔係淨係得健康，都要平衡香港嘅經濟！」

冀新醫學院明年底前有決定 無意建新牙醫學院

另外，會上多名議員關注新醫學院進度，盧寵茂強調，建立一間新醫學院計劃龐大，預計需時以十年計。政府成立的「籌備新醫學院工作組」預計本月內召開首次會議，希望短期內邀請本地大學提交建議書。期望明年上半年作出評核，明年底前有決定。

至於社會關注牙醫及牙科服務不足，委員會主席、選委會界陳凱欣稱，本港現時只有香港大學一間牙醫學院，提出當局會否考慮建立新牙醫學院。盧寵茂承認，本港牙醫服務短期會出現短缺，但隨着引入非本地培訓牙醫及有市民北上求診，預料情況會逐步紓緩。他又指，當局會加強教育護齒，但無意建立新的牙醫學院。