議員彈教局國際教育樞紐宣傳片 葉劉淑儀：套片水平真係唔得

《施政報告》提出，香港要發展成為「國際教育樞紐」，立法會小組委員會今（28日）討論有關議題，未料教育局的宣傳短片卻成為焦點，多名議員批評影片「太宏觀」，甚至有「誤導」之嫌，新民黨議員葉劉淑儀更直指「水平真係唔得」！

立法會「推動香港成為國際教育樞紐小組委員會」今舉行會議，教育局副局長施俊輝提出，在討論開始前，先播出一段長約3分鐘、有關香港銳意發展成國際教育樞紐的宣傳片。該片段主題為「教育樞紐 人才搖籃」，內容陳述一系列香港教育優勢，如「唯一擁有五所世界百強大學的城市」、「毗鄰龐大的內地市場」、「結合中國文化及國際視野環境」等。背景則為香港的國際學校、大學、中學校園環境，及香港節慶和景點等。

周文港：概念未有、架構未有

在討論環節，該宣傳片竟成為議員焦點之一。本身是香港教育大學協理副校長的選委界議員周文港表示，影片未能反映「國際教育樞紐」主題，「我只能夠形容係介紹香港教育嘅短片……頭先睇到（內容）好宏觀……入境條例話俾我哋聽，中學入唔到嚟香港讀……呢段短片一係直接改做『介紹香港教育』；一係你就整過段都得㗎啦！」更批當局「概念未有、架構未有，「所以各位（議員）同事要一齊努力」。

本身是中大教授的選委界議員黃錦輝則稱，「我哋（本地大學）收到本地嘅國際學校學生數量係唔多，所以呢……套片唔知係咪有少少誤導𠻹」。身兼行政會議召集人的新民黨議員葉劉淑儀更批評片段資訊未緊貼《施政報告》內容，「呢套片水平真係唔得……副局長你應該積極啲，拍套『up to date』…呢套睇落『行貨』一啲……我建議你諗吓拍套好啲啦！拎出去國際場面，咁粗疏……應該做好啲囉，唔係點做優質嘅樞紐！」

教育局副局長施俊輝表示，片段是今年初拍攝，當時希望在一個澳洲舉行的高等教育會議「香港館」播放，宣傳香港教育的情況。因應今年《施政報告》的政策，將會更新內容，「拍一條更加好嘅片」。

梁美芬：3次交流計劃造就今日嘅我

另外，經民聯議員梁美芬提議，當局應研究鼓勵本地銀髮家庭，為海外交流生提供「home stay」（寄宿），她以自身經驗指「3次交流計劃造就今日嘅我……（第）一個係美國，我住過十個美國人家庭，東南西北中都住過；第二喺法國，住過兩個家庭，係唔同政見，好保守同好開放；第三係北京……可以喺啲胡同度包餃子」。她認為寄宿家庭能促進兩地交流，從而提升「留學香港」品牌形象。

施俊輝表示，將與大學商討增加宿舍配套，包括寄宿家庭。但他強調，香港家庭一般居住環境較小，較難與其他國家比較。