鄧炳強：天眼將增人工智能辨識犯罪者 點名批莫乃光寫文章煽動仇恨

保安局局長鄧炳強接受電視台訪問時指，警方安裝的閉路電視將增加人工智能（AI）自動偵測罪行，自動辨識犯罪者，並主動發警報。警方4月起陸續在各區增設閉路電視，按計劃首年安裝2,000部，惟他並未透露全港最終會安裝多少閉路電視。專訪中，他更點名批評前立法會議員莫乃光，指他早前在美國雜誌發表文章，是煽動仇恨和抹黑政府。

警方今年4月陸續在各區增設閉路電視，鄧炳強在接受訪問時指，閉路電視會否有上限，需視乎實際情況而定，被問到安裝多少才算適量，他說：「你呢個……即係話捉幾多賊先算適量，無話適量，總之我哋覺得有需要，資源許可我哋就去做」。他進一步透露，未來會在系統加入人工智能，自動辨識犯罪者，國安案件亦適用。

「例如入咗商場，喺邊個出口出，我哋要逐個去睇。但如果有咗人工智能，就相對簡便，好容易將佢沿途點樣走，搵出來。我哋可能預設，舉例雙黃線唔應該泊車，或轉彎位泊咗車喺度就會頂死條路，咁我哋有相應科技，如果遇到咁嘅情況，就會發出提示，我哋就有同事去處理」。而面對國家安全，他指做法類似。

反駁莫乃光：唔知佢係咪走咗去外國 食咗人哋「茶禮」要講呢啲

政府早前提出就「加強保護關鍵基礎設施電腦系統安全」立法，建議銀行、資訊科技等8大關鍵基礎設施立法，訂明營運者有責任保障及通報事故。

立法會前資訊科技界議員、史丹福大學網絡政策中心研究學者莫乃光早前於《外交家》撰文，質疑立法有四大問題：文件中的所謂的「第二類」營運商定義含糊，企業擔心會否突然需要承擔法律責任；貶低私隱專員公署，同時導致資源重疊； 政府提供的基本服務如供水、稅務等不受新法例規管、置身事外，是雙重標準；營運商需與政府分享商業機密是否安全。

鄧炳強反駁莫乃光，指他煽動仇恨和抹黑政府，「佢（莫）話中小企好易跌入法律風險，又話呢啲機構嘅商業秘密會被我哋攞晒，又話我哋透過法例貶低私隱專員，我唔知佢係咪走咗去外國，食咗人哋『茶禮』，一定要講呢啲說話。佢講嘅嘢正正就係想抹黑政府，就係想挑起私隱專員同我哋之間嘅仇恨」。

他又強調政府已說得很清楚，是針對關鍵基礎設施，跟中小企無關，政府對他們的營運資料沒有興趣，「我哋淨係保護個系統，會同私隱專員配合」。