陳茂波：估計今年度赤字逾千億 田北辰質疑擬建鐵路效益：錢唔係天跌落嚟

財政司司長陳茂波今晨在電台節目承認，今年賣地、印花稅收入少，財政赤字可能逾1,000億元，本港仍有數千億財政儲備可「挺過去」。對於施政報告提出一系列基建，陳茂波指可用物業發展權益補貼鐵路建設的資金需要。「實政圓桌」立法會議員田北辰質疑擬建鐵路的效益，「佢有冇新發展？錢銀方面幫補嗰條鐵路？錢唔係天跌落嚟！」

陳茂波今（27日）晨承認本港經濟復甦較預期慢，「今年個外圍經濟環境唔係幾好，雖然我哋喺疫情後全面復甦，嗰個速度都比想像中慢」。他又預告今個財政年度赤字大增，「估計今年嚟講，因為賣地收入少、印花稅收入又少，所以全年嚟講，我哋估計赤字會畀原本預算案高，都有可能會超過1,000億」。

翻查資料，陳茂波在今年初財政預算案預告，2023至24財政年度赤字為544億元，如今改口風稱可能增至逾千億，意味今年度財赤或多一倍。而在上一個財政年度，即2022至23年度，港府預計綜合赤字為1,398億元。若最終數據不變，香港面臨連續兩年逾千億赤字的情況。

陳茂波認為港府可以承受到赤字水平，「上一個財政年度埋數時候，財政儲備都仲有幾千億嘅，可以支持我哋喺一個經濟比較差嘅時候可以挺過去」。被問到會否開源時，他稱：「短期嚟講，我哋稅收各方面暫時嚟講按兵不動」。

特首李家超周三公布施政報告，提出多項交通基建，被外界質疑「錢從何來」。陳茂波稱，鐵路項目可加物業發展，「用物業發展權益、利潤嚟到補貼鐵路建設資金需要，另一方面推呢啲項目有先後緩急，我哋都可以按財政狀況，按步伐去做」。

他又稱，隧道、橋可交由私人機構興建，私人機構可在一段時期徵收隧道費。而一些大型項目在某時間一齊推出，可以發「基建債」集資。

對於施政報告樓市減辣措施，陳茂波稱樓市有秩序調整是無妨，「不出現信心危機，不出現恐慌性拋售，佢又不危害我個金融安全，基本上我哋唔需要點理佢」。他指，香港樓價問題是長久積累，不急於三朝兩日馬上徹底改變，因為是不現實。

近期港股不振，港府下調印花稅。陳茂波形容「內地企業」佔香港股市比例很大，包括一半香港上市公司、7成港股市值，有時8成股市成交額都是來自「內地企業」，他稱要吸引「國際公司」來港上市，「我哋內地企業佔呢度上市比重咁大，我哋係咪要開拓多啲國際公司嚟呢度上市？東南亞公司啦、中東公司啦」。

田北辰隔空回應：啟德運輸系統計劃苦等10年「得個桔」、「無平到」

對於政府擬於東九龍、啟德及洪水橋廈村建設智慧綠色集體運輸，「實政圓桌」立法會議員田北辰今晨在電台節目隔空回應。他解釋，港府重啟啟德運輸系統計劃，由於軌道要預留列車中途停駛時，有空間讓乘客下車徒步走回最近車站，預計造價不會較2012年當時提出的計劃便宜。

他慨嘆：「成本與當初可能接近100億無咩分別，當然簡化路程就另計啦，即係話白白等咗咁多年，折騰啟德居民咁耐，結果得個桔……等咗咁耐佢根本無平到！」

田北辰亦質疑，港府將東九龍、人工島、洪水橋均規劃成「核心商業區」，憂慮市民最終仍是去港島上班，「我都唔知邊度先係佢哋嘅核心商業區，香港點搞咁多個核心商業區？我最驚搞咗一輪，個個都係返去港島返工！」

他亦對中鐵線增加三個中途站是否具成本效益存疑，指古洞站以前估算造價是35億元，兩年後增至近60億元。一個地鐵站就要50億至60億元成本，而中鐵線要加三個中途站，「佢有冇新發展？錢銀方面幫補嗰條鐵路？錢唔係天跌落嚟！」

房屋局局長何永賢今晨與陳茂波同時出席電台節目時，被問到取締劣質劏房政策。她指，首先要為惡劣劏房定義，「無獨立廁所，洗手間門都無，瞓喺旁邊，呢啲衛生情況咁惡劣，一定唔得啦！好多窗都無，其實《建築物條例》需要居住地方有窗」，而居住面積大小亦會納入討論。她指，會提供時間讓「劣質劏房」改為符合規格，將來亦考慮如何做凍結登記、立法取締等。