23條｜管有《蘋果》犯法？ 湯家驊：最簡單揼咗佢 若想冒險「好自為之」

行政會議成員、資深大律師湯家驊今（11日）出席電台節目時，被問到市民管有《蘋果日報》是否構成管有煽動刊物罪。他認為視乎有否犯罪意圖，例如久不久拿出來給人看，利用刊物達到違反國家安全的目的就可能有問題。湯家驊稱：「我覺得最簡單揼咗佢或者收埋床下底，就唔會瓜田李下喇，但如果你話『我想冒呢個險』，就好自為之囉！」

立法會前日（9日）審議《基本法》23條立法草案時，議員管浩鳴提問，若有人將《蘋果日報》舊報紙當作紀念放在家中，是否觸犯「管有煽動刊物」。

保安局長鄧炳強指，刊物在何時印製並不重要，條例通過後仍管有及有煽動意圖，即屬違法，亦視乎管有人有否合理辯解，「原來刊物我擺咗喺度好耐，我都唔知原來仲擺喺到，我目的都唔係用嚟做煽動，擺咗喺度我都唔知存在，我相信呢個係合理辯解處理到問題」。

湯家驊今晨出席《港台》節目「千禧年代」時稱，若市民不知道有《蘋果日報》放在床下底，又或者只是去洗手間時翻閱，無犯罪意圖就不會觸犯法例。

但他舉出另一種情況涉及違法，「如果耐不耐有人嚟你屋企，『你睇吓而家唔係咁，嗰時（報道）講緊嘢係真嘅』，咁你有機會犯咗煽惑罪，因為你利用嗰樣嘢達到某一個目的，而呢個目的就係要顛覆香港政府呀」。

巿民需自證無犯罪意圖

湯家驊提醒，日後被控的市民要提出證據，作為自己沒有犯罪意圖的答辯理由，「法律要求你去證明、你去提出管有呢樣嘢，係無一個犯罪意圖喺度」。他建議市民棄置《蘋果日報》或放在床下底是最安全的方法，「但如果你話『我想冒呢個險』，就好自為之囉！」

至於管有民主派的宣傳品、刊物，支聯會在六四燭光集會派發的紀念品是否煽動刊物？湯家驊稱，同樣視乎有否犯罪意圖。他舉例如果家中存放民主女神像留為紀念沒有問題，「但如果你揸住民主女神像周圍去要『打倒共產黨、打倒一黨專政』，咁就可能有問題」。

湯家驊：社工、神職人員有責任舉報

湯家驊提到，神職人員聽到告解時取得資料有責任不披露，但這個責任一般而言不被法律承認，「法律上無豁免俾到神職人員，佢哋係要額外小心」。對於社工有「保密原則」和專業判斷處理的個案所涉的刑事罪行，湯家驊強調法律上亦不承認有豁免，「我覺得個別人士要作一個判斷，佢認為守法重要，定佢工作要求重要？」

對比2003年的23條草案，今次草案剔除了「揭露任何官員的不合法活動、濫用權力、嚴重疏於職守或其他嚴重不當行為」作為辯解的披露目的。湯家驊稱，2003年23條的答辯理由可能是因「政治理由」而提出，「攞20年前基準討論未必係咁公平」。

他又認為可向特首舉報，「譬如涉及某一個部門嘅工作嘅，你舉報俾特首聽，特首去處理囉！呢啲處理方法會比較穩妥啲」。