獨家｜長毛渡過獄中第四個生日 妻子陳寶瑩嘆：好唔真實 個人可能麻木咗

民主派初選案被告之一、前立法會議員「長毛」梁國雄今日（27日）渡過獄中第四個生日。生日這天，68歲的長毛去醫院覆診，幸好早了返回荔枝角收柙所，沒有錯過妻子陳寶瑩的探訪。她隔着玻璃窗說了一句「生日快樂」，生日願望卻隻字不提，「明知大家仲有幾年先可以見面，而家講希望都係好廢」。探訪都是轉達不同人的口訊、聊聊生活瑣事，就這樣過了四個年頭，陳寶瑩覺得很不真實，「個人可能麻木咗」。

長毛因參加民主派初選，2021年初被控「串謀顛覆國家政權」罪，他選擇不認罪，在荔枝角收柙所還柙時是64歲，然後65、66、67，今日是68歲生日。陳寶瑩說，長毛日後若罪成服刑，不知何時重獲自由，「好似一個數字遊戲，感覺上唔係好真實……總之感覺太長遠喇，變咗有啲麻木囉！」

雖然自言「個人可能麻木咗」，但陳寶瑩每星期都會探訪長毛4至5次，長毛生日時更會親口祝他生日快樂。她記得有一年長毛生日剛好要上庭，「唔少旁聽朋友大聲同佢講生日快樂」。

今日陳寶瑩如常去荔枝角收柙所探訪，原來長毛去了醫院覆診抽血，幸好提早回到收柙所，沒有錯過探訪。陳寶瑩說，長毛情緒仍是低落消沉，但已經比過去改善，精神狀態亦不俗，「佢腦筋、意識都係同以前一樣，都好敏銳」。

隔着玻璃窗，陳寶瑩說了一句生日快樂，然後就是轉達朋友口訊、聊聊瑣事，這種情況許生日願望都嫌太奢侈，「我哋都唔會講呢啲嘢，因為明知大家仲有幾年先可以見面，而家講希望都係好廢，我哋都係講現實啲」。

而現實是探訪室設有通話錄音系統，掏心掏肺的說話都是欲言又止，長毛亦很少提及獄中生活，彼此關心就是說聲「小心、保重」。陳寶瑩慨嘆：「好多嘢你真係想講嘅都講唔到，都係講吓生活瑣事」。

不敢傾訴壓力 只能事後報平安

陳寶瑩不止是長毛的妻子，亦是他的親密戰友，2021年起擔任社民連主席一職，「假設我過幾日有（示威）行動，好大壓力，我都唔可能話俾佢聽，其實（探訪）溝通係好表面嘅嘢，我可能事後話佢聽『行動好彩無嘢喇！』」

萬一有事呢？陳寶瑩苦笑：「有嘢佢睇咗報紙㗎啦！」

初選案由2021年走到2024年仍未裁決。而香港已迎來《基本法》23條立法，收緊國安囚犯提早出獄的門檻，必須獲懲教署署長信納提早獲釋不會不利國家安全，才能因行為良好扣減三分一刑期，一旦長毛罪成入獄，或未能提早獲釋。

陳寶瑩說，長毛知道有關條例，亦知道另一位國安囚犯馬俊文未能提早獲釋事件，他表面上沒有太大情緒波動，「佢無咩特別講佢點睇，我覺得可能已經坐咗咁多年喇」。出獄見面的日子或許再延長，陳寶瑩只能學會接受，「無辦法，你唔去適應都無辦法，因為嗰個控制唔喺我哋手到」。