巴黎香港電影節線上座談會 黃秋生嘆在港談政治非常危險 「電影方面其實我give up咗」

法國日前舉行第二屆「巴黎香港電影節」，邀請演員黃秋生網上連線分享，被問到香港電影的創作自由時，他自嘲：「其實我無乜研究嘅，尤其是近呢10年、8年，我更加唔係好夠膽研究」。他自稱已放棄電影，現時專注做一齣法國舞台劇，「法國舞台劇非常有意思、有深度，同埋安全」。有觀眾問他是否仍會講政治，黃秋生直言在香港講政治非常危險，又幽默反問對方：「你想讓我進監獄對嗎？（You want me to go to jail, right?）」

周潤發本月初出席第28屆釜山電影節，提到中國多個部門審查劇本，對香港電影製作人來說很困難，又讚揚南韓電影甚麼題材都可以拍。黃秋生周日（15日）透過網上連線，出席第二屆「巴黎香港電影節」一個座談會時，亦被問到香港創作自由的情況。

他笑言周潤發是香港電影自由的「專家」，又自嘲「其實我無乜研究嘅，尤其是近呢10年、8年，我更加唔係好夠膽研究」。黃秋生表示現時專注做法國舞台劇，「法國舞台劇非常有意思、有深度，同埋安全！」

有觀眾問他會否與相熟演員討論政治，還是會迴避不談。黃秋生用英文自嘲，自己沒有朋友，即使有朋友，亦不討論政治，而是討論藝術和紅酒。他語畢停頓一下再說：「現時在香港討論政治非常危險……我不會去監獄（It is very dangerous to talk about politics in Hong Kong right now……i won’t go to jail）」。

黃秋生又幽默反問觀眾，「你想讓我進監獄對嗎？（You want me to go to jail, right?）」該名觀眾立刻否認，黃秋生就笑言對方是他的朋友。

提到香港電影現況，黃秋生形容業界明顯分成兩個部分，「一部分仲係以前嗰啲，仲係大製作，好似同內地合拍，嗰啲我無份；新嗰啲就係有啲資助，好low budget，有啲傾緊，有陣時傾唔成」。他直言：「電影方面其實我Give up咗！」

2018年黃秋生出席香港電影金像獎時，曾自嘲是個等待者（waiter），等待工作和運氣，但同時也是個行動者（actor）。他在座談會被問到等待與行動的關係時，即場大爆金句，「人生就係等待入面去完結，你要等一個行動機會，有啲人等一世都行動唔到；有啲人無等待就走去行動，嗰啲叫衝動」。

當有觀眾問他會否再與導演邱禮濤等再合作，他反問：「點合作呀？而家無人會同我合作，萬一返大陸拍戲，我唔坐監都算好彩啦！」他又慨嘆：「10年啦，都無咩嘢做，如果大家知，就知咩原因啦！」

2021年黃秋生獲批台灣的就業金卡，他在座談會笑言，遇到的人都問他在台灣發展如何，但實情是多數時間在香港，「我去台灣都係一、兩日，我一路都喺香港」。他指，以前在香港電影工業的經歷已成過去，「唔會返嚟，但我唔只係做嗰啲嘢，我仲有好多嘢可以表達我自己，包括音樂、文字、舞台、畫畫、書法」。