區旗區徽條例修訂 江玉歡憂過份嚴苛 唔夠膽攞住區旗

立法會今日開會審議《2023年區旗及區徽(修訂)條例草案》，選委會界別議員江玉歡憂慮條文可能過份嚴苛，「某啲條文……未免有時行唔通，亦有啲可能係過份嚴苛」，或令人不夠膽「攞住區旗」。另一選委會界別議員何君堯促針對互聯網執法，「那怕佢係Google，那怕佢係whatever，總之喺網上一有，我哋就告佢香港代辦（公司）」。

立法會《2023年區旗及區徽(修訂)條例草案》委員會今晨開會，逐條審議條例草案。政制及內地事務局常任秘書長傅小慧指，草案條例分了不同層次，第7條涉及公開肆意侮辱區旗、區徽，屬刑事行為。

第7條指，任何人如公開及故意以焚燒、毀損、塗劃、玷污、踐踏區旗、區徽，即屬犯罪；而故意發布相關行為的情況，亦屬犯罪。最高可處第5級罰款及監禁3年。值得留意的是，條文列明「其他方式」侮辱區旗或區徽亦屬犯罪，但「其他方式」具體涉及甚麼行為，條文未有詳細說明。

署理政制及內地事務局副秘書長鍾雅之解釋，為何在條文加入「其他方式」，「好多侮辱性行為，而家好多人好有創意，改圖等等，好難用好肯定字眼」。她認為「其他方式」已經涵蓋相當闊範圍，強調視乎個別案件有沒有侮辱意圖，才決定是否提告。

升旗唔留心、郁嚟郁去屬有損區旗尊嚴行為

她指，草案第4條「不適當使用區旗及區徽」的條文只是指引性，本身不帶罰則，性質是Dos and don’ts（應做及不應做）。第4條涉及不得倒掛、倒插區旗，不得倒掛區徽；不得隨意丟棄區旗或區徽；在參與或出席升區旗的儀式，出席的人當守「無損害區旗尊嚴的行為」。

鍾雅之解釋，何謂有損尊嚴可用常識去判斷，又舉出一些例子，「可以好闊嘅，有損尊嚴行為例如唔留心呀、傾電話、大聲喧嘩、或者佢喺度郁嚟郁去」。

多位議員不滿，草案第4條只是指引性和不帶罰則。何君堯建議，經勸喻或沒有在合理時間糾正倒插區旗行為，應屬犯法，「鄭松泰（倒插國旗及區旗）事件嗰啲呢，佢一路插一路笑、一路插一路笑，你叫佢改都唔肯改，呢種係咪犯法呢？」

何君堯指，促針對互聯網執法，「互聯網（公司）個database（資料庫）可能喺域外啦，但佢有個代表公司喺香港喎，我哋要點樣去告佢呀？……那怕佢係Google，那怕佢係whatever，總之喺網上一有，我哋就告佢香港呢間代辦，再唔係serve（送達）埋張writ（令狀）去海外」。

江玉歡憂慮條文存在灰色地帶，「其實坦白講，（草案）就係唔鼓勵市民亂用區旗、區徽，或者一啲好想佢哋好驕傲咁攞住支區旗、區徽，可能我哋都會唔夠膽」。她又質疑如何調查，「點證明一個蓄意？一個唔係蓄意？」

委員會最終用了2個多小時完成逐條審議草案條文。