樺加沙颱風︱香港羊羊大遷徙

超強颱風樺加沙襲港，不單止市民在打風前夕先囤糧食、或預先準備上下班的安排，有網民捕捉到，原來山羊也會「超前部署」，浩浩蕩蕩預先出動吃草吃飽飽，猶如動物大遷徙。有網民驚嘆「差啲以為係AI」。

網民Eric Tse周一（22日）在社交平台上載大批山羊在北區覓食的短片，數百隻羊目標一致、往同一方向邁進，一邊吃草，把握惡劣天氣前先「醫飽肚」。

影片隨即吸引大量網友回應，讚嘆大自然的奧妙「咁勁嘅，原來佢地感應到打風」、「D動物知道有危險，所以自己都搵地方避」，亦有人祝願牠們能平平安安捱過颱風，「希望班小動物可以大步擸(檻)過黎緊個台(颱)風」。有網民直言大開眼界，「好特別嘅場景！從來未喺香港見過」。

有網友感到好奇，「弱弱一問…其實佢地可以走去邊？」、「要行去邊度先安全？」、「其實平時行山都見到佢哋分散喺唔同地方，避難嘅時候原來會聚番埋一齊。其實佢哋係想匿去邊度？」、「係咪上緊山啦？」Eric留言解釋，這些羊有人飼養，但會放養讓牠們「好似每日都大遷徙」到隔離村吃草，羊群平常也住在一起，吃完草就會回家，「返屋企最安全」，牧羊人其實就在鏡頭外的隊頭和隊尾。

不過天氣轉涼帶點秋意，網民讚美羊群可愛之餘，更聯想到「好多羊腩煲」、「山羊肉好正」、「可以去邊度買呢d羊肉？就黎入秋了」、「其實大家冬天啲羊腩煲，仲有香港清真食物嘅羊肉，就係黎自佢地」。

有網民則笑稱「有無人數畫面有幾多隻，留名今晚瞓唔著用」，Eric回應「我影咁多次都唔夠膽數，不過我問人話有500隻」。更有網民戲言「聽日仲有人類大遷徙比大家參與」，嘲諷香港人在颱風侵襲時上下班的景象。