高才通申請者僅5%來自外國 林振昇：有啲人話……去灣仔啲酒吧都好難見到外國人嘞

港府推出兩年的「高端人才通行證計劃」（高才通），經常被質疑申請者來源地單一。立法會小組委員會今討論有關議題，選委界議員林振昇指，計劃的外國申請者「少過5%」，又引述意見指「有啲人話而家冇乜外國人嚟香港工作，去灣仔啲酒吧都好難見到外國人嘞！」不過，勞福局副局長何啟明回應，「可能佢哋唔係特別鍾意去酒吧」。

立法會「新來港人才快速融入香港事宜小組委員會」今（29日）舉行會議，討論「人才服務辦公室」（人才辦）的對外宣傳及推廣工作。有議員關注「高才通」計劃中，95%申請人均是中國籍，擔心未能吸引海外人才申請。選委界議員林振昇指，外國國籍的申請人士「少過5%，申請咗，實際有冇嚟香港又唔知」。相較實行多年、對象主要為海外居民的「一般就業政策」，疫情前每年約有4.1萬宗申請獲批；今年首半年則有1.7萬人獲批，數目逐漸回復至疫情前，「但『高才通』點解咁少呢？」

林振昇又稱，「香港係一個國際化城市，除咗內地人才，外國人才都係歡迎嘅……有啲人話而家冇乜外國人嚟香港工作，去灣仔啲酒吧都好難見到外國人嘞！」

另外，小組委員會主席、選委界議員尚海龍亦敦促政府制訂吸引非中國籍海外人才的「KPI」（績效指標），「（例如）一千、兩千（人）……海外推廣要花好多（政府）資源」，他又認為香港發展必須吸引多元化人才。

人才計劃25%持外國護照 40%高才通申請者外國大學畢業

勞福局副局長何啟明表示，綜合港府所有吸引外來人才計劃，當中25%申請者持有外國護照。雖然「高才通」計劃中，大部分申請者為中國籍，但當中40%人畢業於外國大學，同樣有助香港人才國際化。當局未來將持續到海外宣傳，吸引外國人才來港。

何啟明又稱，「可能議員覺得酒吧見唔到外國人，（但）我諗唔係一個（參考）元素，可能佢哋唔係特別鍾意去酒吧呢！」又指最近舉行的美酒佳餚節，仍見到不少外國人。

香港人才服務辦公室總監劉鎮漢則表示，目前沒有吸引海外人才的具體KPI，僅稱之前到海外進行推廣活動後，發現海外人士對香港人才計劃認知度低，認為「多做工作」後會有成果。

「冇理由用納稅人嘅錢擴大（一帶一路）獎學金，嚟咗讀完又全部走」

另外，為吸引「一帶一路」國家人才到港留學，港府提出為沿線地區提供獎學金，選委界議員洪雯提出，類似獎學金並非新鮮事物，「我20年前喺香港大學讀書，我有同學嚟自柬埔寨、馬來西亞、老撾、斯里蘭卡，但讀完全部走晒，咁多年都未（能）留低人。我哋要好好諗吓，點樣用好已經嚟咗香港嘅人，無理由用納稅人嘅錢擴大（一帶一路）獎學金，嚟咗讀完又全部走，其實無咩意義」。何啟明回應，未來會加強就業配對，協助來港留學的人才留港發展。