充氣奇蹟｜策展人：屬二次創作 金字塔從未打綠色燈 原創者憂慮但未要求停辦

中環海濱現正舉行「中環夏誌」活動，當中的「充氣奇蹟」展覽引起熱議，有網民拍得綠色金字塔相片指「唔吉利」，亦有人認為白色「巨石陣」似墓碑。Yahoo新聞上周六（6日）刊出這次展覽原創者、AI藝術家Joann訪問，指展品「好醜」、「不合比例」，並要求主辦方停止展覽。活動策展人區瑞蓮（Grace Au）今早在一個電台節目指出，「我控制唔到其他人send咩相畀佢睇」，又強調從未在金字塔用過綠色燈。

策展人Grace表示自己一直有跟AI藝術家、「充氣奇蹟」原創者Joann用電郵聯繫，在傳媒刊出專訪指她對展出效果極之不滿後，雙方仍有電郵來往，「佢唔開心因為睇到有一啲唔係我哋畀佢嘅相，佢好擔心同panic」，但Grace指出Joann並未要求停辦這次展覽。

Grace指主辦機構「控制唔到其他人send咩相畀佢睇，好開頭傳到好犀利嘅相係未完成嘅作品相」。她強調從未向金字塔打綠色燈，指試燈時有12種顏色，「12隻色內從來無揀過綠色」，至於網上照片是否曾被修圖，她則未有正面回應。

有網民指白色「巨石陣」似墓碑，Grace指現場看巨石陣有藍天白雲襯托，參觀人士穿着色彩鮮豔衣服拍照，作品「天真可愛」和「好青春」，「入場唔使錢，路過鍾意咪打個卡囉，唔鍾意白色鍾意紅色嘅，係個人選擇囉，好自由嘅」。

她強調跟Joann沒有簽訂合約亦無金錢交易，AI生成作品本身並無3D立體圖，要再設計為實物，3月跟Joann聯繫時，對方只要求作品標示為「inspired by Joann」，「充氣奇蹟」實屬二次創作。Joann現時身處阿美尼亞，Grace希望邀請Joann盡快來港親身觀察作品是否真的「好醜」，「相片未必見到真相，好多係比例嘅問題、視角效果，最高十幾米嘅作品，現場先會見到，嘩！好大好高好有趣喎，藝術嘅嘢見仁見智」。