14歲黃卓詠先後加盟曼城 錫菲聯 移英後代仍念香港「係我半個家」

《光傳媒》一連兩日介紹英國的港人足球新秀。14歲黃卓詠（Emily）是移英港人後代，在曼城出生和長大，5歲時跟哥哥去踢波，不知不覺間愛上足球，天賦獲多間英國球會青睞，12歲就加盟曼城U14，去年轉至錫菲聯U16，每日用2至3小時鍛練體能或球技。黃卓詠說，爸爸在1995年已經移居英國，但家中仍用廣東話溝通，最掛念的是咖喱魚蛋、燒味飯和雞蛋仔，「香港係我半個家」。

上一波港人移民潮追溯至1997年香港主權移交前，數以十萬計港人移民。黃卓詠的爸爸Eric在1995年隨父母移居英國，長大後在曼城組織家庭，並誕下一子一女。女兒黃卓詠在2009年出生，她憶述5歲已經跟7歲的哥哥踢波，「我最初踢波係睇見咁多人玩得咁開心，我又要玩，同埋我有一種挑戰哥哥嘅心態」。

每逢周六年幼的兩兄妹就會去球場，「嗰陣時踢波輸少當贏，唔好講話入波，基本上個波去到邊，所有人就走到去邊」。不知不覺間黃卓詠就喜歡上足球，其天賦亦慢慢展露，6歲獲邀為本地球隊出戰，其後一直參加本地男子足球隊聯賽。

雖然對手都是男生為主，但黃卓詠在體能、球技都毫不遜色，在右閘位置協助當地球隊Raise the Barr Football Development「橫掃」地區賽事。2021年底，12歲的黃卓詠獲曼聯邀請去訓練基地踢波，讓球會觀察其足球技術。經過4次試腳後，被選中加入曼聯的足球發展計劃。

曼城、愛華頓同時「搶人才」爭取加盟

2022年初，黃卓詠收到愛華頓的電郵，獲邀一星期去試腳3次。第2次試腳後，又收到曼城電郵邀請試腳。兩間球會同時「搶人才」令爸爸Eric印象深刻，「嗰個星期係非常之忙，星期一、三、五就去咗曼城試腳，而二、四就喺愛華頓」。

第三日試腳，愛華頓的總教練已經十分滿意黃卓詠的表現，開出球員合約（Playing Contract），邀請加盟球會的U14女子隊。愛華頓會提供所有訓練及球衣，但不涉薪金或金錢資助，球員就要承諾遵從球會教練指令，代表球會出賽。

隨後曼城亦開出球員合約，黃卓詠考慮後決定加盟曼城U14女子隊。加入曼城而非愛華頓，Eric解釋是因為曼城的設施和配套是足球界首屈一指的。

嚴謹日程表 「休息都係操練嘅一部份」

由地方聯賽到頂尖球會旗下的U14女子隊，改踢前鋒、左翼和右翼位置。黃卓詠更努力訓練，她跟記者分享日程表，每日至少花2至3小時訓練，例如逢星期二至四去球會練波；星期一、六要健身和跑5公里；星期五做個人訓練；星期日去健身室做高強度訓練。

讀書、做功課、體能鍛練、足球訓練和睡覺已經填滿時間表。14歲的黃卓詠說這個日程表已持續兩年多，「我好想成為Professional。我係好少私人時間，有時間都要好好休息。休息都係操練嘅一部份，因為肌肉都要休息」。

她常常把discipline（紀律）掛在嘴邊，盡量少吃零食，一年未必飲到一罐可樂，「一定要好hard-working，成日都要喺gym或者跑步練fitness，都辛苦，不過係commitment」。球會要求她用4成時間做體能訓練，加強身體對抗能力。這位14歲少女日常的硬舉負重（Deadlift）訓練達80公斤，極限是100公斤。

但放假時她的生活像普通女生一樣，「我都幾鍾意行街，如果有時間都好鍾意去旅行。有時間會同朋友打吓機relax吓」。爸爸Eric笑言，女兒旅行過後訓練表現更佳。

自從加入曼城U14女子隊後，黃卓詠被安排與U16和U23女子隊訓練，越級與年齡更大、經驗更豐富的球員競技，她卻十分享受，「去到U16、U23所有人嘅速度同力量係同U14完全兩件事，但係我好enjoy，覺得好challenging」。

去年5月黃卓詠更獲選去美國聖地牙哥參加Man City Cup比賽，雖然最終落敗，但她成為球隊內唯一在美國入球的球員。

去年加盟錫菲聯U16女子隊

2023/24賽季英國足總改革制度，以往在Regional Talent Clubs（RTC）制度下，大部份比賽對手是女子隊，現時改為Pro Game Academy（PGA），而PGA的比賽對手是活躍於Junior Premier League高水平的男子隊。 

新制下曼城選擇停辦U16女子隊，只會提供訓練，而不參加比賽。黃卓詠思考後決定轉投錫菲聯U16，隊員是全女班，但出外比賽對戰是全男班隊伍。黃卓詠卻毫不畏懼，「我好細個打男子隊，我都慣咗」。她今季表現不俗，早前與NYSA男子隊3比3時，在最後一分鐘交出助攻，協助球隊絕殺對方。

由5歲到14歲，9年的足球生涯讓黃卓詠慢慢確立職業球員的目標，「如果喜愛足球，就要信自己。如果你自己都唔信自己，點樣令其他人信你？」她的夢想，是出戰英格蘭女子足球超級聯賽。

爸爸Eric就很審慎，他說成為職業球員不容易，求學階段的球員要有一定學業水平，球會才會批准進階，所以要兼顧學業和足球。他建議父母要認真觀察子女的興趣，「如果真係有天份嘅話就支持佢發展，再盡量輔助佢，睇佢可以行得幾遠，就算將來行唔到，佢都冇得怨，先可以做到大家都無怨無悔」。

爸爸Eric：廣東話唔可以流失

除了支持女兒的足球夢，Eric亦堅持在家中用廣東話溝通，「我哋本身自己都係用廣東話溝通，咁好自然同啲仔女都係講廣東話，而作為擁有黃皮膚呢樣嘢唔可以流失」。

黃卓詠說，自己在曼城土生土長，仍視香港為半個家，去年亦有返港，特別掛念香港的咖喱魚蛋，燒味飯，雞蛋仔和芝麻糊等，「好掛住香港嘅嘢食，我上次返去都有問過爸爸，有冇朋友可以帶我去踢吓波，可惜搵唔到」。